الموستيكير العادية

شنو هي الموستيكير العادية

هادي هي الشبكة الكلاسيكية: نسيج رقيق مشدود ف إطار ألومنيوم مصنوع على قياس الشرجم ديالك. كتحبس الناموس والذبان والحشرات الصغيرة، وفنفس الوقت كتخلي الهوا يدوز والضو يدخل بحال قبل. من بعيد كاد ما تبان.

علاش هي الأكثر طلبا

الثمن ديالها هو الأرخص فالثلاثة أنواع، والنتيجة كتقنع أغلب الناس. إلا كان الشرجم ف الصالون ولا الكوزينة ولا بيت عادي، هادي هي الاختيار المنطقي — ما كاين حتى سبب باش تخلص كثر.

الشي الوحيد اللي خاصك تعرف: هادي ما كتحجبش الضو. إلا كنتي كتنعس فالنهار ولا بغيتي البيت يبقى مضلم، شوف الموستيكير المضلمة.

الثمن والصنع

الثمن كيتحسب بالمتر المربع: العرض × الارتفاع × 550 درهم. الحد الأدنى متر مربع واحد، حتى إلا كان الشرجم صغير.

كنصاوبوها كاملة فالأتوليي ديالنا فحي أدرار بأݣادير — ما كنشريوش قطع جاهزة ونركبوها. كل كادر كيتقاس ويتقص ويتشد على القياس ديالك.

الأنواع ديال التركيب

نفس النسيج كيجي ف ثلاث أنواع ديال التركيب، وبنفس الثمن: انرولابل (كتنطوى للفوق)، أكورديون (كتنطوى على الجنب)، وكولّيسة (كتزلق على السكة). الاختيار كيتعلق بالشرجم ديالك وكنساعدوك فيه ف واتساب.